გახარიამ განათლების მინისტრად მიხეილ ჩხენკელი დააბრუნა

პრემიერ-მინისტრ გიორგი გახარიას ბრძანებით, საქართველოს განათლების, მეცნიერების, კულტურისა და სპორტის მინისტრად მიხეილ ჩხენკელი დაბრუნდა.

მთავრობის ადმინისტრაციის პრესსამსახურის ცნობით, გახარიამ ამ ბრძანებას ხელი დღეს, 13 ნოემბერს მოაწერა.

ადმინისტრაციის ცნობითვე, ჩხენკელი, რომელიც 2017-2018 წლებში იყო განათლებისა და მეცნიერების მინისტრი, ამ დრომე პრემიერ-მინისტრის მრჩეველი იყო განათლების საკითხებში. მინისტრობამდე ივანე ჯავახიშვილის სახელობის თბილისის სახელმწიფო უნივერსიტეტის რექტორის მოადგილე იყო.

წინა მინისტრი, მიხეილ ბატიაშვილი 7 ნოემბერს გადადგა.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com