ნეტგაზეთი | ათონელის ქუჩაზე აშენებული რეზიდენცია ეკონომიკის სამინისტროს გადაეცემა ათონელის ქუჩაზე აშენებული რეზიდენცია ეკონომიკის სამინისტროს გადაეცემა – Netgazeti
RU | GE  

ათონელის ქუჩაზე აშენებული რეზიდენცია ეკონომიკის სამინისტროს გადაეცემა

საქართველოს მთავრობის დღევანდელ სხდომაზე პრემიერ-მინისტრმა ირაკლი ღარიბაშვილმა ათონელის ქუჩაზე აშენებულ რეზიდენციასთან დაკავშირებით ინფორმაცია მოისმინა ინფრასტრუქტურის მინისტრისგან.

დავით შავლიაშვილის თქმით, ათონელის რეზიდენციის სარემონტო სამუშაოები დასრულებულია და ის ეკონომიკის სამინისტროს გადაეცემა. 

 

მინისტრის ცნობით, შენობა მიღებულია ექსპლუატაციაში. ის გარემონტდა, როგორც პრეზიდენტისთვის განკუთვნილი რეზიდენცია. როგორც დავით შავლიაშვილმა აღნიშნა, შენობის რემონტის პროცესში სამინისტროს მჭიდრო კომუნიკაცია ჰქონდა პრეზიდენტის ადმინისტრაციასთან და ყველაფერი სტანდარტების შესაბამისად არის გაკეთებული.

 

მომდევნო ეტაპი რეზიდენციის შენობის ეკონომიკის სამინისტროსთვის გადაცემას გულისხმობს, რის შემდეგაც მის ფუნქციაზე საქართველოს მთავრობა იმსჯელებს.



ნეტგაზეთის მასალების სხვა გამოცემებში გადაბეჭდვის წესი
ნეტგაზეთი