ნიკა გვარამიას დღეს პროკურატურა ახალ ბრალს წაუყენებს. ამის შესახებ ინფორმაციას უწყების პრესსამსახური ავრცელებს.
“სამაუწყებლო კომპანია რუსთავი 2-ის კანონიერი ინტერესის საწინააღმდეგოდ უფლებამოსილების ბოროტად გამოყენების, მისი კუთვნილი დიდი ოდენობით თანხების სამსახურებრივი მდგომარეობის გამოყენებით მითვისების და ქონების მოჩვენებითი ან/და თვალთმაქცური გარიგებით გადამალვის საქმეზე,
დღეს, 19:00 საათზე, საქართველოს გენერალურ პროკურატურაში ახალი ბრალდების წარდგენის მიზნით, დაბარებულია ტელეკომპანია რუსთავი 2-ის ყოფილი გენერალური დირექტორი ნიკა გვარამია”, – ნათქვამია პროკურატურის განცხადებაში.
ამავე საქმეზე ნიკა გვარამიას უკვე აქვს ბრალი წარდგენილი.