“საცობები ერთ-ერთი მთავარი გამოწვევაა. ჩვენ ამასთან დაკავშირებით სამუშაო ჯგუფი გავაკეთეთ. წელს უფრო გავააქტიურებთ და  გეგმა იქნება წარმოდგენილი, მაგრამ არავის არ უნდა ჰქონდეს იმის ილუზია, რომ თბილისს სრულად განვტვირთავთ საცობებისაგან”, – განაცხადა ნარმანიამ.

მისივე თქმით, საჭიროა კომპლექსური ღონისძიებების გატარება ცალკეული უბნების საცობებისაგან განტვირთვის მიზნით, რომელთა ნაწილი უკვე ხორციელდება. მერმა ამ კუთხით პუშკინის ქუჩის მაგალითი დაასახელა, სადაც ორმხრივი მოძრაობა უნდა აღდგეს. ასევე განაცხადა, რომ ლაგუნა ვერესთან დაგეგმილია გზის გაფართოება.