შინაგან საქმეთა სამინისტროს ინფორმაციით, ზუგდიდში კაცის მკვლელობის ბრალდებით მისი ძმა დააკავეს.
შსს-ს ცნობითვე, გამოძიება განზრახ მკვლელობის სსკ-ის 108-ე მუხლით მიმდინარეობს, რაც 7-დან 15 წლამდე ვადით თავისუფლების აღკვეთას ითვალისწინებს.
“გამოძიებით დადგინდა, რომ ბრალდებულმა ძმას წარსულში არსებული უთანხმოების ნიადაგზე, ურთიერთშელაპარაკების შემდეგ ცივი იარაღით სხეულის დაზიანებები მიაყენა, მიღებული ჭრილობებით დაშავებული გარდაიცვალა,”-წერია შსს-ს განცხადებაში.
