ფრაქციის თავმჯდომარის გიორგი კირთაძის განცხადებით, ფრაქცია ამ ფორმით ოპოზიციის მიმართ კვერცხებით ბრძოლას და პირად შეურაცხყოფას აპროტესტებენ:
“ეს ხალხი თქვენი დანიშნულია თანამდებობებზე და ერმაკოვი [ბათუმის მერი] მფარველობს მათ,” – განაცხადა კირთაძემ.
ბათუმის საკრებულოს თავმჯდომარემ განაცხადა, რომ ის ძალადობას და კვერცხების სროლის ფაქტს გმობს, თუმცა კარგი იქნებოდა შვიდ ნოემბერსაც კვერცხები ესროლათ ხალხისთვის და არ ეცემათ: “მე ვგმობ ამ ფაქტს, მაგრამ ხალხს პროტესტის გამოხატვას ვერ ავუკრძალავ,” – განაცხადა ირაკლი ჭეიშვილმა.
შეგახსენებთ, რომ რამდენიმე დღის წინ აჭარის უმაღლეს საბჭოში განვითარებული მოვლენების ფონზე, უმაღლესი საბჭოს დეპუტატს და ნაციონალური მოძრაობის წევრს კვერცხები ესროლეს დემოკრატიული ჩართულობის ცენტრის ოფისში.
