როგორც ნადირაშვილმა დღეს გამართულ პრესკონფერენციაზე განაცხადა, შეკვეთა (ორ კომპანიაზე: ლაიფსტაილი და იტალ დიზაინი) განხორციელდა გასული წლის დეკემბერში, როდესაც ლარმა დევალვაცია დაიწყო.
მისი თქმით, მთავრობა საკუთარ პირობასაც კი არ ასრულებს ქამრების შემოჭერასთან დაკავშირებით და არ აპირებს, რომ უარი თქვას კომფორტსა და რბილ ავეჯზე.
ელექტრონული ტენდერების ვებგვერდზე 2014 წელს მთავრობის ადმინისტრაციის მიერ გამოცხადებული ტენდერები არ იძებნება. სახელმწიფო შესყიდვების სააგენტოში გვითხრეს, რომ ეს მონაცემების ვებგვერდზე “წესით, ასახული უნდა იყოს, ამიტომ ისინი მიზეზს გაარკვევენ და დაგვიკავშირდებიან”.
ნეტგაზეთს მთავრობის ადმინისტრაციაში უთხრეს, რომ ისინი ირმა ნადირაშვილს განცხადებით უპასუხებენ, რომელიც ცოტა ხანში გავრცელდება.
