რუსეთის საგარეო საქმეთა მინისტრი სერგეი ლავროვი საქართველოსთან პირდაპირი ფრენების აღდგენის წინადადებას მხარს უჭერს. ინფორმაციას ამის შესახებ “კომერსანტი” ავრცელებს. რაც შეეხება მიზეზს, თუ რატომ შეიცვალა მან აზრი:
“მე ამ ფრენებს, ალბათ, აღვადგენდი. მგონია, რომ ეს იქნებოდა სწორი მას შემდეგ, რაც საქართველოს მოსახლეობის უმრავლესობამ გააცნობიერა იმ გამოხტომების კონტრპროდუქტიული ხასიათი, რომელსაც საქართველოს პარლამენტში ჰქონდა ადგილი მართლმადიდებლობის საპარლამენტო ასამბლეის დროს”, – განაცხადა ლავროვმა კომერსანტთან ინტერვიუში.
პირდაპირი ფრენები საქართველოსთან რუსეთის პრეზიდენტმა ვლადიმირ პუტინმა აკრძალა.
