“2014 წელს ინსპექტორის აპარატმა საკუთარი ინიციატივით შეა­მოწმა საქართველოს შინაგან საქმეთა სამინისტროს მიერ საზღვ­რის კვეთის პროცესში პერსონალური მონაცემების დამუშავების კანონიერება. პროცესში აღმოჩნდა, რომ საზღვრის კვეთის დროს, ხდებოდა ყველა მგზავრისათვის ფოტოსურათის გადაღება და მათი ასახვა მონაცემთა ავტომატიზებულ ბაზაში. ფოტოსურათის გადა­ღება ხდებოდა საზღვრის გადაკვეთის ყველა შემთხვევაში სტანდარ­ტულად, მაშინაც კი, როდესაც პირის მიმართ არ არსებობდა რაიმე ეჭვი ან/და მონაცემთა ბაზაში ასახული იყო პირის იდენტიფიცირებისათვის გამოსადეგი ხარისხის ფოტოსურათი. შემოწმების პრო­ცესში სამინისტრომ დაიწყო ახალი სტანდარტის დანერგვა, რომლის თანახმადაც, სახელმწიფო საზღვარზე ფოტოგადაღება მოხდება მხოლოდ გამონაკლის შემთხვევებში”, – ნათქვამია ანგარიშში და აღნიშნულია, რომ ამასთან, სასაზღვრო გამტარ პუნქტებზე თვალსაჩინო ადგილას განთავსდა ვიდეოთვალთვალის შესახებ გამაფრთხილებელი ნიშნებიც. 

Mygov.ge-ზე განთავსბეული მონაცემების მიხედვით, საზღვრის კვეთისას მოქალაქეს ფოტოებს 2009 წლიდან უღებდნენ.