ახალი ამბები

“პირველი არხის” ცნობით, მათი სერვერიდან კიბერშეტევის შედეგად მნიშვნელოვანი ფაილები წაიშალა

12 სექტემბერი, 2019 • 1599
“პირველი არხის” ცნობით, მათი სერვერიდან კიბერშეტევის შედეგად მნიშვნელოვანი ფაილები წაიშალა

საქართველოს საზოგადოებრივი მაუწყებლის “პირველი არხი” აცხადებს, რომ მათ სერვერზე განხორციელდა კიბერშეტევა.

მაუწყებლის ცნობით, კიბერთავდასხმის შედეგად, დღეს მაუწყებლის ქსელში გავრცელდა ვირუსი, რამაც დაშიფრა და გაანადგურა “პირველი არხის” სერვერებზე არსებული მნიშვნელოვანი ფაილები.

“ამ დროისთვის მაუწყებლის სხვა სერვერებზე ვირუსის გავრცელების თავიდან აცილება მოხერხდა. ფაქტის შესახებ საქართველოს პირველმა არხმა უკვე აცნობა შინაგან საქმეთა სამინისტროს”, – აცხადებს “პირველი არხი”.

ნეტგაზეთი დამატებით დეტალებს შსს-ში არკვევს.

მასალების გადაბეჭდვის წესი