ბაკურიანში 5 კილომეტრამდე სიგრძის სამი ახალი საბაგირო აშენდება – თურნავა

ეკონომიკის მინისტრის, ნათია თურნავას თქმით, ბაკურიანში 5 კილომეტრამდე სიგრძის სამი ახალი საბაგირო აშენდება, რაც, მისი თქმით, 20 კმ-მდე ახალ სასრიალო ტრასებს ნიშნავს.

ეკონომიკის სამინისტრო ამბობს, რომ მშენებლობის დაწყების შესახებ შესაბამისი ხელშეკრულება ავსტრიულ-შვეიცარულ კომპანია „დოპელმაიერ-გარავენტა ჯგუფსა“ და საქართველოს „მთის კურორტების განვითარების კომპანიას“ შორის გაფორმდა.

“ჩვენ გვაქვს გაცილებით უფრო დიდი და ამბიციური გეგმები, მათ შორის დღევანდელი პროექტიც, როცა საფუძველი ეყრება ახალ განვითარებას დიდველზე – საერთაშორისო დონისა და სტანდარტების შესაბამისად, კომპანია „დოპელმაიერის“ მიერ აშენდება 5 კილომეტრამდე სიგრძის სამი ახალი საბაგირო, რაც ნიშნავს დაახლოებით 20 კილომეტრამდე ახალ სასრიალო-სათხილამურო ტრასებს“, – თქვა ნათია თურნავამ დღეს, 14 აგვისტოს პროექტის წარდგენისას.

საბაგიროები,  თხილამურითა და სნოუბორდით თავისუფალი სტილით სრიალში 2023 წლის მსოფლიო ჩემპიონატისთვის დიდველისა დაკოხტაგორის ტერიტორიაზე უნდა აშენდეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან