გამშვებ პუნქტ „გუგუთის“ მიმართულებით ზოგი ტრანსპორტის გადაადგილება დროებით შეიზღუდება 

საბაჟო გამშვებ პუნქტ „გუგუთის“ მიმართულებით, 2019 წლის 19 აგვისტოდან 30 სექტემბრის ჩათვლით პერიოდში, გარკვეული ავტოტრანსპორტის გადაადგილება შეიზღუდება.

საქართველოს ფინანსთა სამინისტროს შემოსავლების სამსახურის ინფორმაციით, „გუგუთის“ მიმართულებით, საერთაშორისო მნიშვნელობის ფონიჭალა-მარნეული-გუგუთის საავტომობილო გზის კმ 85-კმ 98-ზე, საქართველოს საავტომობილო გზების დეპარტამენტის დაკვეთით ხორციელდება გზის მასშტაბური სარეაბილიტაციო სამუშაოები, რის გამოც, მიმდინარე წლის 19 აგვისტოდან 30 სექტემბრის ჩათვლით, აღნიშნული მიმართულებით, შეიზღუდება მისაბმელიანი და ნახევრად-მისაბმელიანი სატრანსპორტო საშუალებების გადაადგილება.

„შექმნილი ვითარებიდან გამომდინარე, შემოსავლების სამსახური ყველა დაინტერესებულ პირს სთავაზობს ისარგებლოს სომხეთის რესპუბლიკასთან არსებული ალტერნატიული სახმელეთო საბაჟო გამშვები პუნქტებით – „სადახლო საავტომობილო“ და „ნინოწმინდა“ – აღნიშნულია შემოსავლების სამსახურის განცხადებაში.

ნეტგაზეთის მასალების სხვა გამოცემებში გადაბეჭდვის წესი
ავტორი
თედო ჯორბენაძე, ჟურნალისტი მობ.: 599 139 412 ელ/ფოსტა: tedobatumi@gmail.com