აზერბაიჯანში აღმოჩენილი ჯარისკაცის საკითხზე სომხეთის ობუდსმენი საერთაშორისო სტრუქტურებს მიმართავს

სომხეთის ომბუდსმენი მიმართავს საერთაშორისო სტრუქტურებს ყარაბაღის კონფლიქტის ზონიდან აზერბაიჯანულ მხარეს აღმოჩენილი 19 წლის ჯარისკაცის, არაიკ ღაზარიანის საკითხთნ დაკავშირებით.

არწახის [მთიანი-ყარაბაღი] არაღიარებული რესპუბლიკის თავდაცვის უწყების ცნობით, ჯარისკაცმა საბრძოლო პოზიცია გაურკვეველ ვითარებაში დატოვა და აზერბაიჯანულ მხარეს მოხვდა.

აზერბაიჯანული მხარის ინფორმაციით კი, ჯარისკაცი არაიკ ღაზარიანი საკუთარი სამხედრო ნაწილიდან სხვა სამხედროების მიერ არაადამიანური მოპყრობის გამო გაიქცა და ახლა მათთან იმყოფება.

სომხეთის სახალხო დამცველის, არმან ტატოიანის განცხადებით, უკვე შეხვდა სომხეთში წითელი ჯვრის საერთაშორისო კომიტეტის დელეგაციის ხელძღვანელს, კლერ მეითროუს და გეგმავს, აღნიშნულ საკითხთან დაკავშირებით მისი უფლებების დაცვის გარანტიების მოთხოვნით საერთაშორისო სტრუქტრებს მიმართოს.


 აზერბაიჯანსა და სომხეთის შორის მთიანი ყარაბაღის კონფლიქტი 1988 წელს დაიწყო. აზერბაიჯანი მიიჩნევს, რომ მთიანი ყარაბაღი და შვიდი მიმდებარე რაიონი, აზერბაიჯანის 20%, სომხეთის შეიარაღებული ძალების ოკუპაციაშია, რასაც კატეგორიულად უარყოფს სომხეთი. 1994 წელს მხარეებმა ხელი მოაწერეს ცეცხლის შეწყვეტის რეჟიმს, მაგრამ დღემდე წარუმატებელად მიიჩნევა საერთაშორისო ორგანიზაციების ეგიდით წარმოებული მოლაპარაკებები ამ ორ ქვეყანას შორის. ორივე მხარე გამუდმებით ერთმანეთს ადანაშაულებს ცეცხლის შეწყვეტის შესახებ რეჟიმის დარღვევაში.
ნეტგაზეთის მასალების სხვა გამოცემებში გადაბეჭდვის წესი
ავტორი