რუსეთში, კრასნოიარსკის მხარეში მდებარე სამხედრო ნაწილში დღეს, 5 აგვისტოს, აფეთქება მოხდა. ინფორმაციას რუსული და საერთაშორისო მედია ავრცელებს.
Associated Press-ის თანახმად, ინციდენტის შედეგად, მინიმუმ, 4 ადამიანია დაშავებული. გამოცემის ცნობით, აფეთქება ბაზაზე მდებარე საბრძოლო მასალის საცავში მოხდა, რის შემდეგაც ადგილზე ხანძარი გაჩნდა. სამაშველო სამსახურებმა 20 კილომეტრის რადიუსში მყოფი მოქალაქეების ევაკუაცია განახორციელეს.
А вот и видео взрыва под Ачинском pic.twitter.com/RSNfNNVZHf
— Радио Свобода (@SvobodaRadio) August 5, 2019
ბაზა სამხედრო ქალაქ აჩინსკიდან 10 კილომეტრის დაშორებით მდებარეობს. ადგილობრივი ოფიციალური პირები ამბობენ, რომ მოქალაქეებს მყისიერი საფრთხე არ ემუქრებათ, თუმცა მაინც ურჩიეს, სამხედრო ნაწილიდან მოშორებით დარჩნენ.
როგორც რუსულ სააგენტო TASS-ს ინფორმირებულმა წყარომ განუცხადა, იარაღის საწყობში, რომელშიც ხანძარი გაჩნდა, 40 000 სატანკო ჭურვი ინახება.
