ლარი დოლართან მიმართებით 4 თეთრით გამყარდა

ლარი აშშ დოლართან მიმართებით 4 თეთრით გამყარდა. 3 აგვისტოს ოფიციალური გაცვლითი კურსით 1 აშშ დოლარის ღირებულება 2.8870 ლარია.

რაც შეეხება ევროს, ახალი ოფიციალური კურსით ლარი მასთან მიმართებითაც გამყარდა: 1 ევროს ღირებულება  3.2037 ლარია, რაც 3 თეთრით ნაკლებია 2 აგვისტოს კურსზე.

რამდენიმედღიანი უწყვეტი გაუფასურების შემდეგ, საქართველოს ეროვნულმა ვალუტამ გამყარება პირველ  აგვისტოს დაიწყო. ამას წინ უძღოდა ეროვნული ბანკის მიერ  სავალუტო აუქციონზე 32 800 000 აშშ დოლარის გაყიდვა.

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან