რუსი მოკრივე მაკსიმ დადაშევი სპორტული ორთაბრძოლისას მიღებული დაზიანებების შედეგად 28 წლის ასაკში გარდაიცვალა.

BBC-ის ცნობით, დადაშევი პარასკევს მერილენდის შტატში, პუერტორიკოელ მოწინააღმდეგესთან გამართული ასპარეზობისას დაშავდა და თავის ტვინის დაზიანება მიიღო. მოკრივე საავადმყოფოში გადაიყვანეს, თუმცა მისი გადარჩენა ვერ მოხერხდა.

რუსეთის კრივის ფედერაციის განცხადებით, აღნიშნულზე გამოძიება უკვე დაიწყო. გენერალური მდივნის, უმარ კრემლევის თქმით, ასპარზობისას “გარკვეული სახის დარღვევას” ჰქონდა ადგილი. მისივე თქმით, ფედერაცია დაღუპულის ოჯახს ყოველმხრივ დაეხმარება.

მაკსიმ დადაშევი აშშ-ში საქმიანობდა. მას ინციდენტამდე გამართული 13-ვე ორთაბრძოლა ჰქონდა მოგებული.

ფოტო გარეკანზე: World Boxing Council