7.1 მაგნიტუდის სიმძლავრის დამანგრეველი მიწისძვრა კალიფორნიაში

აშშ-ში, სამხრეთ კალიფორნიას 6 ივლისს თავს დაატყდა დამანგრეველი, 7.1 მაგნიტუდის სიმძლავრის მიწისძვრა.

როგორც CNN-ი გადმოსცემს, ეს მიწისძვრა გაცილებით დამანგრეველი იყო, ვიდრე წინა დღით მომხდარი, რომლის სიმძლავრეც 6.4 მაგნიტუდა იყო.

მიწისძვირს შემდეგ კალიფორნიაში არაერთ ადგილას გაჩნდა ცეცხლი. ფოტო: CNN

ქალაქ რიჯკრესტში, რომელიც ეპიცენტრი იყო, მიწისძვრის შემდეგ არაერთ ადგილას გაჩნდა ცეცხლი; არიან დაშავებულები. 2000-მდე ადამიანი ელექტროენერგიის გარეშეა დარჩენილი.

მიწისძვირს შემდეგ რიჯკროსში, კალიფორნიაში. 06.07.2019. ფოტო: EPA-EFE/ETIENNE LAURENT

მიწისძვრის შედეგად დაზიანდა სახლები, გაიბზარა საძირკვლები, ჩამოინგრა კედლები და ა.შ.

მიწისძვირს შემდეგ კალიფორნიაში. ფოტო: EPA-EFE/ETIENNE LAURENT

როგორც CNN-ს ერთ-ერთი დაზარალებული ეუბნება, მიწისძვრა დაახლეობით ერთ წუთს გაგრძელდა. ის მიწისძვრის დროს შინ იყო და იგრძნო, როგორ ირყეოდა სახლი.

მიწისძვირს შემდეგ კალიფორნიაში. 06.07.2019. EPA-EFE/ETIENNE LAURENT

მიწისძვრა მექსიკასა და ლას ვეგასშიც იგრძნეს.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com