ნეტგაზეთი | ჩეხეთმა რუსულ ავიაკომპანიებს ფრენის უფლება ჩამოართვა ჩეხეთმა რუსულ ავიაკომპანიებს ფრენის უფლება ჩამოართვა – Netgazeti
RU | GE  

ჩეხეთმა რუსულ ავიაკომპანიებს ფრენის უფლება ჩამოართვა

ჩეხეთის ხელისუფლებამ რუსეთის სახელმწიფო ავიაკომპანია „აეროფლოტს“, ორ სხვა კომპანიასთან ერთად, ფრენის უფლება ჩამოართვა.  შეზღუდვების შემდეგ კომპანიებმა ფრენების ნაწილი გააუქმეს.

კომპანია „პაბედამ“ გააუქმა ფრენები მოსკოვიდან კარლოვი-ვარის მიმართულებით, Ural Airlines-მა კი — ჩეხეთიდან ეკატერინბურგისა და ჟუკოვსკის აეროდრომის (მოსკოვი) მიმართულებით. „აეროფლოტმა“ მოსკოვი-პრაღა-მოსკოვის რეისების უმეტესობა გააუქმა და მხოლოდ ორი ფრენა დატოვა.

როიტერსი წყაროზე დაყრდნობით ავრცელებს ინფორმაციას, რომ ჩეხეთმა ფრენების ნებართვის გაუქმებაზე გადაწყვეტილება მას შემდეგ მიიღო, რაც მოსკოვმა უარი უთხრა ჩეხურ ავიაკომპანიას პრაღიდან სეულში (სამხრეთ კორეა) ციმბირის გავლით ფრენის ნებართვაზე.

რუსეთის ტრანსპორტის სამინისტროს თანახმად, რუსეთისა და ჩეხეთის საავიაციო რეგულატორებს შორის მიმდინარეობს მოლაპარაკებები და პრობლემა მალე მოგვარდება.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com