უეფას ყოფილი პრეზიდენტი მიშელ პლატინი დაკავებულია. ინფორმაციას ამის შესახებ სხვადასხვა მედიასაშუალება ფრანგულ ონლაიგამოცემა “მედიაპარტზე” დაყრდნობით ავრცელებს.

ამავე ინფორმაციის თანახმად პლატინი საფრანგეთში დააკავეს.

გავრცელებული ინფორმაციით, საქმე ეხება 2022 წლის მსოფლიო ჩემპიონატის უფლების მოპოვებას ყატარის მხრიდან. პლატინი უეფას პრეზიდენტი 2007-2015 წლებში იყო. მას ამჟამად ფეხბურთში მუშაობა აკრძალული აქვს ფიფას ექსპრეზიდენტ ზეპ ბლატერისგან მიღებული უკანონო თანხის გამო.