ნიკოლ ფაშინიანი ვლადიმერ პუტინს სანკტ-პეტერბურგში შეხვდა

სომხეთის პრემიერ-მინისტრი ნიკოლ ფაშინიანი რუსეთის პრეზიდენტს, ვლადიმერ პუტინს შეხვდა. შეხვედრა 6 ივნისს სანკტ-პეტერბურგში შედგა, სადაც საერთაშორისო ეკონომიკური ფორუმი იმართება.

კრემლის თანახმად, სომხეთისა და რუსეთის ლიდერებმა ისაუბრეს ქვეყნებს შორის სტრატეგიულ პარტნიორობასა და რეგიონულ თანამშრომლობაზე.

პუტინმა განაცხადა, რომ „რუსეთი რჩება სომხეთის მთავარ პარტნიორად ვაჭრობისა და სხვა მრავალ სფეროში, რაც ორი ქვეყნის კარგ ურთიერთობაზე მეტყველებს“.

პასუხად ფაშინიანმა განაცხადა, რომ რუსეთთან ურთიერთობები სტაბილურად ვითარდება: „ჩვენ აქტიურად ვთანამშრომლობთ არა მხოლოდ ორმხრივ ფორმატში, არამედ ევროზიის ეკონომიკური კავშირის, დსთ-სა და კოლექტიური უსაფრთხოების შეთახმების ორგანიზაციიის ფარგლებშიც“.

ეს ფაშინიანისა და პუტინის მე-8 შეხვედრა იყო.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com