მთიანი ყარაბაღის თვითაღიარებულ რესპუბლიკაში, სადაც მსოფლიოში არაღიარებულ ქვეყნებს შორის საფეხბურთო ჩემპიონატი ConIFA-2019 ტარდება, აფხაზეთისა და სამხრეთ ოსეთის დე ფაქტო რესპუბლიკების წარმომადგენლები ჩავიდნენ.
როგორც აფხაზური და ოსური მედია წერს, საფეხბურთო ჩემპიონატის გახნის გარდა, დელეგაციები [სამხრეთ ოსეთის დე ფაქტო პრეზიდენტი ანატოლი ბიბილოვი, დე ფაქტო საგარეო უწყების ხელმძღვანელი დიმიტრი მედოევი, აფხაზეთის დე ფაქტო საგარეო უწყების ხელმძღვანელი დაურ კოვე] ოფიციალურ შეხვედრებს გამართავენ ყარაბაღის პრეზიდენტთან, ბაკო სააკიანთან. ასევე, მოინახულებენ კულტურულ და ისტორიულ ობიექტებს.
მსოფლიოში არაღიარებულ ქვეყნებს შორის საფეხბურთო ჩემპიონატ ConIFA-2019-ში მონაწილეობას აფხაზეთისა და სამხრეთ ოსეთის საფეხბურთო ნაკრებებიც მიიღებენ.