ახალი ამბები

ქვემო მაჩხაანის ბაღში, სადაც რეაბილიტაცია 2 წლის წინ ჩატარდა, ჭერი ჩამოინგრა

29 მაისი, 2019 • 772
ქვემო მაჩხაანის ბაღში, სადაც რეაბილიტაცია 2 წლის წინ ჩატარდა, ჭერი ჩამოინგრა

სიღნაღის მუნიციპალიტეტის სოფელ ქვემო მაჩხაანის საბავშვო ბაღში თაბაშირ-მუყაოს ჭერი ჩამოინგრა. შემთხვევა 28 მაისს, მაშინ მოხდა, როდესაც შენობაში არავინ იმყოფებოდა.

ნეტგაზეთი დაუკავშირდა სოფლის დეპუტატს, გოჩა შანშაშვილს, რომელმაც გვითხრა, რომ ჭერი ერთ-ერთ ოთახში ჩამოიშალა, რისი სავარაუდო მიზეზიც წყლის გაჟონვაა.

“როგორც ჩანს, ჭერში გაჟონა წყალმა და ის დალბა, თუმცა ოთახებში ჭერს არაფერი ეტყობოდა. ეს პირველადი ვერსიაა”, – ამბობს დეპუტატი და ამატებს, რომ ბაღს რეაბილიტაცია 2 წლის წინ ჩაუტარდა.

რაც შეეხება ბავშვებს, გოჩა შანშაშვილი აცხადებს, რომ ბავშვები დღეს ბაღში იყვნენ, თუმცა ხვალიდან  ბაღი მუშაობას ცოტა ხნით შეწყვეტს.

მასალების გადაბეჭდვის წესი