ნეტგაზეთი | გორში სეტყვით დაზარალებულები ავტობანთან აქციას მართავენ გორში სეტყვით დაზარალებულები ავტობანთან აქციას მართავენ – Netgazeti
Batumelebi | RU

გორში სეტყვით დაზარალებულები ავტობანთან აქციას მართავენ

გორის მუნიციპალიტეტში სეტყვისაგან დაზარალებული მოსახლეობა საპროტესტო აქციას მართავს. თავდაპირველად მათ აქცია ქალაქში გამართეს, ამჟამად კი ავტობანთან იმყოფებიან და მის გადაკეტვას არ გამორიცხავენ.

ადგილზე მობილიზებულია პოლიცია.

qartli.ge-ის ცნობით, გორის მუნიციპალიტეტის სოფლები 3 დღის წინ დაისეტყვა. 15-მდე ადმინისტრაციულ თემში სეტყვამ და ქარმა მოსავლის დიდი ნაწილი გაანადგურა.

მოსახლეობა მთავრობის წარმომადგენლებთან შეხვედრას ითხოვს. ისინი ზარალის ანაზღაურებას ითხოვენ. მოსახლეობის განცხადებით, უსახსრობისა და ტექნიკური პრობლემების გამო (მიწის რეგისტრაცია) მოსავალი აბსოლუტურ უმრავლესობას დაზღვეული არ აქვს. მათი თქმით, სტიქიურმა უბედურებამ მოსავალი მთლიანად გაუნადგურა.

გორის მერი კონსტანტინე თავზარაშვილი, რომელიც ავტობანთან მივიდა, რადიო თავისუფლებასთან ამბობს, რომ დღეს, 16:00 საათზე, გორში სოფლის მეურნეობის მინისტრი ჩავა და დაზარალებულებს გაესაუბრება.

აქცია ავტობანთან © ფოტო: რადიო მოზაიკა

ნეტგაზეთის მასალების სხვა გამოცემებში გადაბეჭდვის წესი
ავტორი
დათო ქოქოშვილი არის ნეტგაზეთის რედაქტორი 2018 წლის 1 თებერვლიდან. მანამდე ის იყო ნეტგაზეთის რეპორტიორი 2013 წლიდან. Email: davit.qoqoshvili@gmail.com