The Guardian-ის ცნობით, კომეტაზე კოსმოსური რობოტის უსაფრთხო დაშვებით მეცნიერებს პირველად მიეცათ შანსი, რომ შეისწავლონ კომეტა და ასევე გამოარკვიონ, რა მოხდება, როდესაც ის მზეს მიუახლოვდება. კომეტაზე ეს დაშვება აგვირგვინებს იმ 6.4 მილიარდ კოლომეტრიან მოგზაურობას, რომელიც “როზეტამ” ათეული წლის წინ დაიწო.
გერმანიაში, დარმშტადში მდებარე კონტროლის ცენტრში სიგნალის დადასტურებას აპლოდისმენტები და მილოცვები მოჰყვა. დაშვებიდან მალევე ამ მოვლენას საკუთარ Facebook გვერდზე ფიზიკოსი სტივენ ჰოუკინგი გამოეხმაურა: “გთხოვთ, შემომიერთდით ევროპული კოსმოსური სააგენტოსთვის ტაშის დაკვრაში “როზეტას” მისიისთვის და მბრუნავ კომეტაზე ხომალდის წარმატებულად დაშვებისთვის. ეს შეიძლება ფანტასტიკის ჟანრს გავდეს, მაგრამ რეალურია, შთამბეჭდავია და დაგვეხმარება უკეთ გავიგოთ მზის სისტემის ჩამოყალიბების საიდუმლოებები”-.
“ეს არის ცივილიზაციისკენ გადადგმული უდიდესი ნაბიჯი,”- განაცხადა ევროპის კოსმოსური სააგენტოს გენერალურმა დირექტორმა ჟან-ჟაკ დორდენმა.
“ფილეა გველაპარაკება… ჩვენ კომეტაზე ვართ,”- თქვა კოსმოსური რობოტის დაშვებიდან მალევე სტეფან ულამეკმა, მისიის დაშვების ნაწილის ხელმძღვანელმა. თუმცა, როგორც ირკვევა, “ფილეა” არ დაშვებულა ისე, როგორც დაგეგმილი იყო:
“როდესაც “ფილეა” დაეშვა, მას უნდა გაესროლა ჰარპუნი, რომელიც მას კომეტის ზედაპირს მუდმივად მიამაგრებდა. ეს ჰარპუნები მნიშვნელოვანია იმიტომ, რომ მისი საშუალებით სწრაფად მოძრავ კომეტაზე რობოტი მყარად დამაგრდება. მაგრამ ჰარპუნების გასროლა არ მომხდარა და ESA-ს მეცნიერები არ არიან დარწმუნებულები, თუ რატომ,”- წერს ბიზნეს ინსაიდერი.
თუმცა, როგორც მისიის ოპერაციების ხელმძღვანელი პაოლო ფერი აცხადებს, ნაკლებად სავარაუდოა რომ “ფილეა” კომეტის ზედაპირს მოწყდეს, რადგანაც ის კომეტის ზედაპირზე უკვე რამდენიმე საათის, განმავლობაში იმყოფება.