ცენტრალური საარჩევნო კომისიის ინფორმაციით, 17:00 საათის მონაცემებით, მთაწმინდის საარჩევნო ოლქში ამომრჩეველთა ქტივობა 26.6%-ია. ოლქში რეგისტრირებულია 43 908 ამომრჩეველი, აქედან არჩევნებზე 11 669 მივიდა.
„ეს მონაცემი რომ შევადაროთ 2016 წლის საქართველოს პარლამენტის მეორე ტურის არჩევნების 17:00 -საათიან მონაცემს, 2016 წელს ამომრჩეველთა აქტივობამ 31.1 % შეადგინა“, – აცხადებს ცესკოს პრესსპიკერი.
რაც შეხება ზუგდიდის საარჩევნო ოლქს, აქ აქტივობა მაღალია და ის 38.6%-ს შეადგენს. 17:00 საათისთვის სულ 46 702 ამომრჩეველია მისული. ცესკოს ინფორმაციით, 2018 წლის საპრეზიდენტო არჩევნებზე ზუგდიდში 17:00 საათისთვის 39.6 %-იანი აქტივობა დაფიქსირდა.
მარნეულში 27.2%-იანი აქტივობა დაფიქსირდა, ოლქში სულ რეგისტრირებულია 99 717 ამომრჩეველი, აქედან 27 098 არჩევნებზე უკვე მივიდა. ჯერჯერობით ისევ ყველაზე დაბალი აქტივობა მთაწმინდის ოლქში ფიქსირდება.
საარჩევნო ოლქების მიხედვით ამომრჩეველთა აქტივობა შემდეგია:
- საგარეჯო – 67.8%
- ახმეტა – 44.1%
- ადიგენი – 45.8 %
- ტყიბული – 33.9%
- წყალტუბო – 40.9%
- ოზურგეთი – 37.4 %
- ზესტაფონი – 37%
- ზესტაფონი – 37%
- ზესტაფონი – 37%
დღეს, 19 მაისს, საქართველოს პარლამენტის შუალედური, საკრებულოების შუალედური და მერების რიგგარეშე არჩევნები იმართება.
რიგგარეშე/შუალედური არჩევნებისთვის სულ 410 საარჩევნო უბანია გახსნილი, სადაც 402 091 ამომრჩეველია რეგისტრირებული. ცესკოს ინფორმაციით, 19 მაისის არჩევნებს საარჩევნო სუბიექტების 6 556 წარმომადგენელი, 49 ადგილობრივი სადამკვირვებლო ორგანიზაციის 6139 დამკვირვებელი და 7 საერთაშორისო ორგანიზაციის 47 საერთაშორისო დამკვირვებელი აკვირდება.
