ზურაბიშვილი ზელენსკის ინაუგურაციას დაესწრება

საქართველოს პრეზიდენტი სალომე ზურაბიშვილი  უკრაინის არჩეული პრეზიდენტის, ვლადიმერ ზელენსკის ინაუგურაციას დაესწრება. ინფორმაცია “ნეტგაზეთს” პრეზიდენტის პრესსამსახურში დაუდასტურეს.

ღონისძიება 20 მაისს გაიმართება. მანამდე, უკრაინული მედია იუწყებოდა, რომ ვლადიმერ ზელენსკის ინაუგურაციაზე საქართველოსთან ერთად ლიტვის, ლატვიის, ესტონეთის, უნგრეთისა და მოლდოვის პრეზიდენტები არიან მიწვეულნი. ამავე ცნობის თანახმად, ინაუგურაციაზე რუსეთის დელეგაცია არ მიუწვევიათ.

ვლადიმერ ზელენსკიმ უკრაინის საპრეზიდენტო არჩევნების მეორე ტურში ქვეყნის მოქმედი პრეზიდენტი პეტრო პოროშენკო დაამარცხა და ხმათა 73% მიიღო.

 

ნეტგაზეთის მასალების სხვა გამოცემებში გადაბეჭდვის წესი
ავტორი
მიხეილ გვაძაბია არის ნეტგაზეთის რეპორტიორი 2017 წლის სექტემბრიდან