ნეტგაზეთი | სამშენებლო ნებართვების უმეტესობა თბილისზე, აჭარასა და ქვემო ქართლზე მოდის სამშენებლო ნებართვების უმეტესობა თბილისზე, აჭარასა და ქვემო ქართლზე მოდის – Netgazeti
სადავო მშენებლობა ატენის ქუჩაზე.

სამშენებლო ნებართვების უმეტესობა თბილისზე, აჭარასა და ქვემო ქართლზე მოდის

სტატისტიკის ეროვნული სამსახურის ინფორმაციით, 2019 წლის პირველ კვარტალში 2052 სამშენებლო ნებართვა გაიცა. გაცემული ნებართვების რაოდენობა მცირედით, 0.2%-ით ნაკლებია 2018 წლის შესაბამის პერიოდთან შედარებით.

საქსტატის თანახმად, გაცემული სამშენებლო ნებართვები  1378,1 ათასი კვ.მ ფართობის ტერიტორიაზე მშენებლობას გულისხმობს. 2018 წლის პირველ კვარტალთან შედარებით, მშენებლობისვის გამოყოფილი ფართობი 7.8%-ით არის გაზრდილი.

ნებართვების 71,6% ქვეყნის 3 რეგიონზე- თბილისზე; აჭარასა და ქვემო ქართლზე მოდის.

საქსტატის ინფორმაციით, 2019 წლის იანვარ-მარტში ნებართვები გაიცა მრავალფუნქციური საცხოვრებელი კომპლექსების, სასტუმროების, სავაჭრო და სასოფლო-სამეურნეო დანიშნულების ობიექტებიზე, თუმცა ნებართვებში დიდი წილი  მაინც საცხოვრებელი კომპლექსებს უკავია.

ნეტგაზეთის მასალების სხვა გამოცემებში გადაბეჭდვის წესი
ავტორი
მარიამ ვარადაშვილი არის ნეტგაზეთის რეპორტიორი 2017 წლის სექტემბრიდან.