პუტინი კირილის ინტრონიზაციის აღსანიშნავ ღონისძიებაზე კრემლში. ფოტო: კრემლის პრესსამსახური

პუტინის თანახმად, რუსეთის მოქალაქეობის მიღება უკრაინაში ყველას შეიძლება გაუმარტივდეს

რუსეთის პრეზიდენტი ვლადიმერ პუტინი აცხადებს, რომ განიხილავს ინიციატივას, რომლის თანახმადაც რუსეთის მოქალაქეობის მინიჭების პროცედურა უკრაინის ყველა მოქალაქისთვის შეიძლება გამარტივდება.

გასულ კვირას პუტინმა ხელი მოაწერა განკარგულებას, რომელიც აღმოსავლეთ უკრაინაში მაცხოვრებლებს სამ თვეზე ნაკლებ დროში სთავაზობს რუსულ პასპორტებს. ახალი განცხადება კი მთლიანად უკრაინაში მცხოვრებ ადამიანებს ეხება.

როგორც რადიო თავისუფლება იუწყება, პუტინის ეს განცხადება, რომელიც 27 აპრილს, ბეიჯინგში გააკეთა, სავარაუდოდ, კიდევ უფრო დაძაბავს ურთიერთობას კიევთან.

ბიბისის თანახმად, ეს დამატებითი გამოწვევაა უკრაინის ახლადარჩეული პრეზიდენტისთვის, ვლადიმირ ზელენსკისთვის, რომელმაც ცოტა ხნის წინ დაამარცხა არჩევნებში პეტრო პოროშენკო.

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com