ახალი ამბები

ხე მალთაყვის სანაპიროზე ივანიშვილის პარკისთვის [ფოტო]

27 მარტი, 2019 • 1586
ხე მალთაყვის სანაპიროზე ივანიშვილის პარკისთვის [ფოტო]

გრიგოლეთი-ფოთის გზაგასაყარზე, მალთაყვის სანაპირო ზოლში, გიგანტური ხე დგას. საბოლოოდ  მას დენდროლოგიურ პარკში წაიღებენ, რომელსაც ბიძინა ივანიშვილი აშენებს.

მალთაყვის სანაპირო ზოლის აღნიშნული ადგილიდან ცენტრალურ მაგისტრალამდე ბეტონის დიდი ფილებით გზაა გაყვანილი, სადაც სპეციალური ტექნიკით გიგანტურ ხეს მიაგორებენ, ხოლო შემდეგ შეკვეთილში გადაიტანენ.

ფოტოსურათებზე ჩანს, რომ გიგანტური ხე სპეციალურ კონსტრუქციაზე დგას და გამზადებულია დენდროლოგიურ პარკში წასაღებად, თუმცა  ახლომახლო არავინ მეთვალყურეობს.

ქართუ ფონდის განცხადებით, შეკვეთილის დენდროლოგიური პარკი ღია იქნება საზოგადოებრივი სარგებლობისთვის.

ბიძინა ივანიშვილის ხე მალთაყვას სანაპირო ზოლში. 27.03.2019. ფოტო: თენგო ტაბატაძე

მასალების გადაბეჭდვის წესი