თავდაცვის სამინისტროს ინფორმაციით, საქართველოში ვიზიტი ფარგლებში აშშ-ის არმიის მდივანს საქართველოს თავდაცვის მინისტრი ირაკლი ალასანია თავდაცვის უწყებაში მიიღებს.
“შეხვედრაზე მხარეები საქართველოსა და აშშ-ს შორის თავდაცვის სფეროში ორმხრივი თანამშრომლობისა და სამომავლო პერსპექტივების შესახებ ისაუბრებენ. განხილვის ერთ-ერთი თემა იქნება ნატოს სამიტის შედეგად საქართველოსთვის მინიჭებული არსებითი პაკეტის იმპლემენტაციის პროცესში ამერიკული მხარის ჩართვა”,- ნათქვამია თავდაცვის სამინისტროს მიერ გავრცელებულ ინფორმაციაში.
ხვალ აშშ-ის არმიის მდივანი დავით აღმაშენებლის სახელობის ეროვნულ თავდაცვის აკადემიას ესტუმრება. ჯონ მაკჰიუ ასევე გაემგზავრება, გმირთა მოედანზე და საქართველოს ერთიანობისათვის დაღუპულ გმირთა მემორიალს გვირგვინით შეამკობს.
აშშ-ის არმიის მდივნის ოფიციალური ვიზიტი საქართველოში 22 სექტემბერს დასრულდება.
