მეტროს პირველი ხაზი დროებით გაჩერდა

თბილისის მეტროს პირველი ხაზი (ახმეტელის თეატრიდან ვარკეთილამდე) 22 მარტს, დილის 11 საათისთვის, გარკვეული დროის განმავლობაში გაჩერებული იყო.

მოძრაობა, თბილისის სატრანსპორტო კომპანიის თანახმად, 10-15 წუთის განმავლობაში იყო შეფერხებული, თუმცა თვითმხილველები ფეისბუკზე წერენ, რომ შეფერხება უფრო ხანგრძლივი იყო.

როგორც კომპანიაში ნეტგაზეთს განუცხადეს, შეფერხების მიზეზი მატარებლის ტექნიკური ხარვეზი იყო. “მატარებელი ტექნიკური მიზეზით შევიყვანეთ [სადგურის მოედანზე] ჩიხში. პროცედურა არის სპეციფიკური, საჭიროა, სხვა სადგურებზეც შევაჩეროთ მგზავრების მიღება”, – უთხრეს ნეტგაზეთს კომპანიის პრესსამსახურში.

 

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია - „ნეტგაზეთის“ რეპორტიორი 2018 წლის სექტემბრიდან. მობ.: 995 555 223 568; ელ-ფოსტა: lukapertaia@gmail.com