ნეტგაზეთი | წვევამდელი ირწმუნება, რომ მას სცემეს და ფულს სძალავდნენ წვევამდელი ირწმუნება, რომ მას სცემეს და ფულს სძალავდნენ – Netgazeti
RU | GE  

წვევამდელი ირწმუნება, რომ მას სცემეს და ფულს სძალავდნენ

19 წლის წვევამდელი ქაზიმ გახრამანოვი ამბობს, რომ კრწანისის სასწავლო ცენტრში სცემეს და ფულს სძალავდნენ. მისი თქმით, შემთხვევა 8 მარტს, ღამის 2 საათზე მოხდა.

“პარასკევს, ღამის 2 საათზე დაგვიძახეს და ფული მოგვთხოვეს, ეს ყველაფერი სერჟანტ უნდილაძის თვალწინ ხდებოდა. ფულის მიცემაზე უარი ვთქვი და სასტიკად გამისწორდნენ, მცემეს. მეორე დღეს ექიმთან  მივედი და არც კი უკითხავს, თვალი რატომ მქონდა ჩალურჯებული“, – აცხადებს სამხედრო მოსამსახურე ქაზიმ გახრამანოვი. მის კომენტარს ტელეკომპანია რუსთავი 2 ავრცელებს.

ნეტგაზეთი დაუკავშირდა თავდაცვის სამინისტროს, სადაც გვითხრეს, რომ წინასწარი ინფორმაციით, შემთხვევა არ დასტურდება, თუმცა ფაქტს სამხედრო პოლიცია იკვლევს. მათივე თქმით, უახლოეს პერიოდში სამინისტრო აღნიშნულთან დაკავშირებით განცხადებას გაავრცელებს.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან