“აუცილებლად მიმაჩნია, რომ ჩვენმა დასავლელმა პარტნიორებმა დაუყოვნებლივ მოიწვიონ გაეროს უშიშროების საბჭოს სხდომა. რუსეთმა არსებითად გაზარდა უკრაინაში სამხედრო ძალები,”- განაცხადა იაცენუკმა.
უკრაინის პრემიერი მიიჩნევს, რომ შესაბამისი საგანგებო შეკრება ეუთოსა [OSCE] და ევროკავშირშიც საგარეო საქმეთა მინისტრების დონეზე უნდა მოხდეს.
შეგახსენებთ, უკრაინის პრეზიდენტის, პეტრო პოროშენკოს ადმინისტრაციის განცხადებით, პრეზიდენტმა თურქეთში დაგეგმილი ვიზიტი დონეცკში ვითარების გამწვავების გამო გააუქმა.

