მთავრობა ახალ საჯარო სამართლის იურიდიულ პირს, ველური ბუნების ეროვნულ სააგენტოს ქმნის. მიმდინარე წლის თებერვალში მიღებული დადგენილების თანახმად, ახალი სსიპ  შეიქმნება ეროვნული საშენი მეურნეობის რეორგანიზაციის საფუძველზე.

ველური ბუნების ეროვნული სააგენტო საქართველოს გარემოს დაცვისა და სოფლის მეურნეობის სამინისტროს შემადგენლობაში შემავალი სსიპ იქნება. მთავრობის მიერ დამტკიცებული დადგენილებით, სააგენტო ფუნქციონირებას მიმდინარე წლიდან პირველი აპრილიდან დაიწყებს.