ახალი ამბები

სასამართლომ სამეგრელო-ზემო სვანეთის ყოფილ გუბერნატორს გირაო შეუფარდა

27 დეკემბერი, 2018 • 1067
სასამართლომ სამეგრელო-ზემო სვანეთის ყოფილ გუბერნატორს გირაო შეუფარდა

თბილისის საქალაქო სასამართლომ დააკმაყოფილა პროკურატურის შუამდგომლობა და სამეგრელო-ზემო სვანეთის ყოფილ გუბერნატორს აღკვეთის ღონისძიების სახით 5000- ლარიანი გირაო შეუფარდა.

სახელმწიფო უსაფრთხოების სამსახურმა ლევან შონიას ბრალი 26 დეკემბერს წარუდგინა. სუს-ის ინფორმაციით, 2018 წლის მაისში, შონიას თხოვნით,  მის მიერ მითითებული პიროვნების სახელზე მოქალაქემ 10 000 აშშ დოლარი ჩარიცხა მისთვის გადასაცემად.

სამეგრელო-ზემო სვანეთის გუბერნატორის მიმართ გამოძიება კანონით აკრძალული საჩუქრის მიღების ფაქტზე სსკ-ის 340-ე მუხლით მიმდინარეობს. გამოძიებას სუს-ის ანტიკორუფციული სააგენტო აწარმოებს. ლევან შონია ბრალდებას უარყოფს და აცხადებს, რომ ქრთამი არასდროს აუღია.

ლევან შონია პრემიერმა გუბერნატორის თანამდებობიდან 2018 წლის ივლისში გაათავისუფლა.

მასალების გადაბეჭდვის წესი