ქვემო ფონიჭალაში კაცი ცივი იარაღით დაჭრეს, რის შემდეგადაც ის საავადმყოფოში გვიან ღამით გარდაიცვალა. ინფორმაციას ნეტგაზეთს შსს-ში უდასტურებენ.
უწყების თქმით, გამოძიება საქართველოს სისხლის სამართლის კოდექსის 117-ე მუხლით მიმდინარეობს, რაც ჯანმრთელობის განზრახ მძიმე დაზიანებას გულისხმობს. შსს-ში ამბობენ, რომ გამოძიება ამ მუხლით იმიტომ დაიწყო, რომ დაზარალებული საავადმყოფოში გადაყვანის შემდეგ გარდაიცვალა. მათივე თქმით, სავარაუდო ბრალდებულის ვინაობა უკვე დადგენილია.
