მერია: აღმაშენებელზე საღი კი არა, დაავადებული ფიჭვები მოვჭერით

თბილისის მერია უარყოფს გავრცელებულ ინფორმაციას და აცხადებს, რომ რომ აღმაშენებლის გამზირზე მოიჭრა არა საღი ხეები, არამედ ხმობადი, დაავადებული ფიჭვები ჯანსაღი ხეების დაზიანების თავიდან არიდების მიზნით.

მერიის განმარტებით, მათ დაქვემდებარებაში მყოფმა გარემოს დაცვის საქალაქო სამსახურმა არაერთხელ გაავრცელა განცხადება, რომ წელს, ოქტომბრის ბოლოდან, თბილისის მასშტაბით დაიწყო სანიტარული ჭრები. ჯამში, მერიის თანახმად, მოიჭრება 20 000 ძირი დაავადებული (ხმობადი და ზეხმელი) ხე-მცენარე.

აღმაშენებლის გამზირზე, მათივე ცნობით, წლის ბოლომდე, მოჭრილი ფიჭვების ნაცვლად, დაირგვება 23 ძირი სხვადასხვა სახეობის, 4 მეტრზე მაღალი ხე: 8 ძირი მინდვრის ნეკერჩხალი; 7 ძირი უნგრული ცაცხვი; 9 ძირი ჭადარფოთოლა ნეკერჩხალი.

მოჭრილი ხეები აღმაშენებლის გამზრიზე. ფოტო: მარიამ ბოგვერაძე/ნეტგაზეთი

მოჭრილი ხეები აღმაშენებლის გამზრიზე. ფოტო: მარიამ ბოგვერაძე/ნეტგაზეთი

ნეტგაზეთის მასალების სხვა გამოცემებში გადაბეჭდვის წესი
ავტორი
ლუკა პერტაია 2018 წლის 1 სექტემბრიდან არის ნეტგაზეთის რეპორტიორი. ის ადრეც მუშაობდა ნეტგაზეთში — 2016 წლის მაისიდან 2017 წლის თებერვლამდე. Email: lukapertaia@gmail.com