თბილისში, ფალიაშვილის ქუჩაზე, გეგეშიძის პარკში მდებარე “ბურგერ ბარის” ფილიალში ხანძარი გაუჩნდა. შემთხვევა, დაახლოებით, 23:30-ზე მოხდა.
როგორც “ნეტგაზეთს” საგანგებო სიტუაციათა მართვის სამსახურში განუცხადეს, ცეცხლი ჭერში არსებულ ელექტროსადენებს გაუჩნდა.
უწყების ინფორმაციით, ოთხმა სამაშველო ეკიპაჟმა ცეცხლის ლიკვიდირება უკვე შეძლო. დამწვარია 20 კვმ.მ. ფართობი. შემთხვევის შედეგად არავინ დაშავებულა.
ხანძრის დროს პერსონალი და მომხმარებლები შენობაში იმყოფებოდნენ, თუმცა ბარი დაკვამლიანებისთანავე დატოვეს.
