ანკარაში მატარებლის შეჯახების შედეგად 9 ადამიანი გარდაიცვალა, ათობით კი დაიჭრა

თურქეთის დედაქალაქ ანკარაში სწრაფმავალი მატარებლის ავარიის შედეგად 9 ადამიანი გარდაიცვალა, ხოლო 40-ზე მეტი დაშავდა. თუმცა ჯერჯერობით უცნობია მომხდარის მიზეზი, პირველადი ინფორმაციით, მატარებელი სხვა შემადგენლობას დაეჯახა. ამის შესახებ TRT წერს. 

BBC წერს  რომ ერთ-ერთი ვერსიით, მატარებელი სხვა შემადგენლობას შეეჯახა. თუმცა, ამასთანავე, არსებობს ვერსიაც, რომლის მიხედვითაც, მატარებელი რელსებიდან გადავიდა.

შემთხვევა ადგილობრივი დროით საღამოს, 18:30 საათზე მოხდა. მატარებელი ანკარიდან კონიაში, დასავლეთ თურქეთში მიდიოდა.

CNN-ის ინფორმაციით, მატარებელში ავარიის დროს 206 მგზავრი იმყოფებოდა.

ნეტგაზეთის მასალების სხვა გამოცემებში გადაბეჭდვის წესი
ავტორი
ნინო ბიძინაშვილი არის რეპორტიორი 2017 წლის 25 სექტემბრიდან