“სულ ხმა მისცა 745,614-მა ქალმა ამომრჩეველმა. ქალი ამომრჩევლების მაღალი აქტიურობით გამოირჩეოდა თბილისი, – 55,94%. დედაქალაქის ათივე ოლქში ქალი ამომრჩევლების აქტივობის მეტნაკლებად ერთნაირი მაღალი მაჩვენებელი იყო და მერყეობდა 53-57%-ს შორის. რაც შეეხება სხვა ოლქებს, ქალები ყველაზე აქტიურები იყვნენ ახალქალაქში (56,29%), ქუთაისში (53,97%), რუსთავში (53,94%) და სიღნაღში (52,69%). ცესკომ ამომრჩეველთა აქტივობის გენდერული სტატისტიკა წელს პირველად გამოაქვეყნა”, – ნათქვამია ცესკოს განცხადებაში.