ახალი ამბები

გოჩა ლორთქიფანიძე ჰააგის სასამართლოს დაზარალებულთა ფონდის დირექტორატში აირჩიეს

5 დეკემბერი, 2018 • 2503
გოჩა ლორთქიფანიძე ჰააგის სასამართლოს დაზარალებულთა ფონდის დირექტორატში აირჩიეს

იუსტიციის მინისტრის მოადგილე, გოჩა ლორთქიფანიძე ჰააგის სისხლის სამართლის სასამართლოს დაზარალებულთა ფონდის დირექტორატში აირჩიეს. ამის შესახებ თეა წულუკიანმა დღეს, 5 დეკემბერს გამართულ ბრიფინგზე განაცხადა.

მისი თქმით, 123 სახელმწიფოს მხარდაჭერით, გოჩა ლორთქიფანიძე აღმოსავლეთი ევროპის ქვეყნების კვოტით აირჩიეს დირექტორატში, რომელსაც სულ 5 წევრი ჰყავს. მან ამ პოზიციაზე ბოსნია და ჰერცეგოვინას წარმომადგენელი შეცვალა.

“გოჩა ლორთქიფანიძე არის პირველი ქართველი, რომელიც ამ ფონდში აღმოსავლეთ ევროპის კვოტით მოხვდა. მნიშვნელოვანია დღევანდელი გადაწყვეტილება, დღევანდელი არჩევნები და მისი შედეგები, რადგანაც საქართველოს ამით ეძლევა შესაძლებლობა, რომ არაერთი ქვეყნის და, პირველ რიგში, საქართველოს დაზარალებულების უფლებებზე და ამ უფლებების აღდგენაზე იზრუნოს, მით უფრო, რომ ამავე სასამართლოს პროკურატურა იძიებს 2008 წლის ომის დროს ქართველების წინააღმდეგ ჩადენილ დანაშაულებს,” – განაცხადა თეა წულუკიანმა.

მისივე ინფორმაციით, გოჩა ლორთქიფანიძე 1998 წელს იმ მომლაპარაკებელთა შორის იყო, რომელთა ძალისხმევითაც დაფუძნდა ჰააგის სისხლის სამართლის სასამართლო და მისი რეგლამენტი.

ვრცლად გოჩა ლორთქიფანიძის ბიოგრაფიაზე შეგიძლიათ წაიკითხოთ აქ.

მასალების გადაბეჭდვის წესი