შსს: “ბიოს” შეძენა–შენახვის ბრალდებით დაკავებულია ერთი პირი

შსს–ს ინფორმაციით,  ახალი ფსიქოაქტიური ნივთიერების უკანონო შეძენა-შენახვის ბრალდებით თბილისში 22 წლის ლუკა ს. დააკავეს.

შინაგან საქმეთა სამინისტროს ინფორმაციით, სამართალდამცველებმა დაკავებულის საცხოვრებელი ბინის ჩხრეკისას 135 ცალი ფირფიტა ე.წ. „ბიო“, „ელ-ეს-დე“-ს ანალოგი ამოიღეს, რომელიც ექსპერტიზის დასკვნით ახალი ფსიქოაქტიური ნივთიერებების ფენეთილამინის ქიმიურ ნაერთთა კლასს მიეკუთვნება.

გამოძიება ახალი ფსიქოაქტიური ნივთიერების უკანონო შეძენა-შენახვის ფაქტზე საქართველოს სისხლის სამართლის კოდექსის 260-ე მუხლის 1-ლი პრიმა ნაწილით მიმდინარეობს.

ნეტგაზეთის მასალების სხვა გამოცემებში გადაბეჭდვის წესი
ანი ბერუკაშვილი