“მე მინდა შეგახსენოთ, რომ სასჯელაღსრულების სისტემაში ბატონ სოზარს დახვდა ძალიან ბევრი პრობლემა, ეს იყო ერთ–ერთი ურთულესი სამინისტრო, სადაც ხდებოდა ადამიანის უფლებების დარღვევის გაუგონარი ფაქტები, წამება და არაადამიანური მოპყრობა, რაც სისტემაში იყო დამკვიდრებული. სოზარმა გააკეთა ძალიან ბევრი ამ მიმართულებით, რეალურად 180 გრადუსით შეცვალა მიდგომები პატიმრებისადმი და დღეს გახადა ციხე იმაზე მეტად გამჭვირვალე, ვიდრე უნდა იყოს, ვიდრე არის თანამედროვე ევროპულ სახელმწიფოებში. ამის არდანახვა და არაღნიშვნა, მე ვფიქრობ, რომ არის დიდი უსამართლობა”, – განაცხადა ღარიბაშვილმა.