ამის შესახებ მერკელმა საქართველოს პრემიერ-მინისტრ ირაკლი ღრიბაშვილთან ერთობლივ პრესკონფერენციაზე განაცხადა.
“ვფიქრობ, რომ MAP-ის საკითხი ნატო-ს შემდეგი სამიტის თემა არ იქნება, მაგრამ ჩვენ ვხედავთ იმ პროგრესს, რაც არის საქართველოში. ჩვენ ვხედავთ საქართველოს ძალისხმევას, მაგალითად, ავღანეთში. ნატო-ს შემდგომი სამიტისთვის ჩვენ უნდა გადავწყვიტოთ, თუ როგორ უნდა გავუსვათ ხაზი იმას, რომ საქართველო არის კარგი პარტნიორი და მე ვფიქრობ, რომ MAP-ის გარდა სხვა შესაძლებლობებიც არსებობს ამის გამოსახატად”, – აღნიშნა მერკელმა.
ჟურნალისტის კითხვას, თუ ნატო მიიღებს გადაწყვეტილებას თავი შეიკავოს შემდგომ ნაბიჯებზე, იქნება თუ არა რუსეთის მხრიდან აღქმული როგორც მწვანე შუქი შემდგომი აგრესიისთვის, მერკელმა ასე უპასუხა:
“არ მგონია საერთოდ, რომ რაიმე გადაწყვეტილება რუსეთის მხრიდან მიღებული იქნება როგორც მწვანე შუქი დამატებითი აგრესიისთვის. ვფიქრობ, რომ საქართველოს უფრო ინტენსიური ურთიერთობა, პირიქით, მხარდაჭერის ღირსია”, – განაცხადა მერკელმა.
