ჟურნალისტების კითხვას, რატომ მიიღო მან ეს გადაწყვეტილება, მარგველაშვილმა განაცხადა:
“ეს ხელშეკრულება იმდენად მნიშვნელოვანია საქართველოსთვის, რომ მისი ხელმოწერის საკითხი უნდა იყოს მტკიცე, ყოველგვარი კითხვის ნიშნების გარეშე და ეს ისტორიული ხელშეკრულება ძალაში მტკიცედ უნდა შევიდეს.
ჩვენ გადავწყვიტეთ [პრეზიდენტის გუნდმა] მაქსიმალურად მოვხსნათ კითხვები, რომელიც ამ მიმართულებით წარმოიშვა, და ბუნებრივად გადავეცით ეს უფლება პრემიერ-მინისტრს”,- განაცხადა მარგველაშვილმა.
კითხვაზე, რატომ არ იყო ეს გადაწყვეტილება მიღებული მთავრობის წევრებთან კონსულტაციის შედეგად [როგორც ეს უშიშროების საბჭოს მდივანმა, ირინა იმერლიშვილმა განაცხადა], პრეზიდენტის თქმით, აღნიშნულ გადაწყვეტილებას კონსულტაციები არ სჭირდება.
“იმიტომ, რომ ეს არის დათმობა საკუთარი უფლებამოსილების.”
საქართველოს პრეზიდენტმა გადაწყვიტა კონსტიტუციით მისთვის მინიჭებული უფლებამოსილება გადასცეს ერთჯერადად პრემიერ-მინისტრს და ამ შეთანხმების შესახებ გადაწყვეტილებას საქრთველოს პრეზიდენტი ბრძანებულებით იღებს, რომელსაც ჭირდება პრემიერის კონტრასიგნაცია. შესაბამისად, პრეზიდენტის ბრძანებულება დღეს გადაეგზავნება საქართველოს მთავრობას, რომელიც პრემიერს მისცემს ასოცირების ხელშეკრულებაზე ხელმოწერის უფლებამოსილებას.
