„ეს გადაწყვეტილება საერთოდ არ უკავშირდება სამსახურში დაბრუნებას, პატივს და რეგალიებს. მთავარია ფართო განზომილება. სამ კვირაში ისედაც არჩევნებია, რომელშიც მე პირადად არ ვღებულობ მონაწილეობას. ორი კვირით აღდგენა ნამდვილად ჩემი თვითმიზანი არ არის. აქ არის პრინციპზე ლაპარაკი, ის, რაც არ გეკუთვნის, ის, რაც უზნეოა, მთავრობამ არ უნდა ჩაიდინოს. ანდა ქვეყანაში უნდა არსებობდეს ის ინსტიტუტები, განსაკუთრებით სასამართლოები, რომლებიც ამ უზნეობის ჩადენას მთავრობას არ შეარჩენს. ამიტომ ჩვენი ადვოკატები ამ გადაწყვეტილებით შუამდგომლობით შევლენ საქალაქო სასამართლოში და იმედი მაქვს, საქალაქო სასამართლო მიიღებს სწორ გადაწყვეტილებას“, – აცხადებს გიგი უგულავა.
საქართველოს საკონსტიტუციო სასამართლომ დააკმაყოფილა უგულავას სარჩელი საქართველოს პარლამენტის წინააღმდეგ და 159–ე და 160–ე მუხლების პირველი ნაწილის მეორე წინადადება არაკონსტიტუციორად ცნო.
