საქართველოს კომუნიკაციების ეროვნული კომისიის თავმჯდომარის არჩევნებში მონაწილეობის მისაღებად განაცხადი მხოლოდ ერთ კანდიდატს, ვახტანგ აბაშიძეს ჰქონდა შეტანილი.
„მაუწყებლობის შესახებ“ საქართველოს კანონში 2013 წლის 9 ოქტომბერს ძალაში შესული ცვლილებების თანახმად, საქართველოს კომუნიკაციების ეროვნული კომისიის თავმჯდომარე კომისიის წევრებმა სრული შემადგენლობის უმრავლესობით სამი წლის ვადით აირჩიეს.
კომისიის შემადგენლობაში არიან კახი ბექაური, სოფიო ბრიტნჩუკი, აკაკი სიხარულიძე და ირაკლი მოსეშვილი.
