ნეტგაზეთი | დარიალის ხეობის სტიქიის პირველი მსხვერპლი დარიალის ხეობის სტიქიის პირველი მსხვერპლი – Netgazeti

დარიალის ხეობის სტიქიის პირველი მსხვერპლი

უკრაინის მოქალაქე, რომელიც მაშველებმა სტიქიის ზონიდან გუშინ გამოიყვანეს, დღეს, 18 მაისს, თბილისში, ღუდუშაურის კლინიკაში გარდაიცვალა.

ექიმების განცხადებით, პაციენტის მდგომარეობა საავადმყოფოში მიყვანის დროს უკვე კრიტიკული იყო იმ დაზიანებების გამო, რაც მან სტიქიის ზონაში დიდი მასის დაწოლის შედეგად მიიღო სხეულზე.

 

დარიალის ხეობაში ჩამოწოლილი მეწყერის შედეგად გუშინ თერგი დაგუბდა, ჩამოშლილი მასის ქვეშ მოექცა რამდენიმე სატვირთო ავტომანქანა, რომლებშიც ისხდნენ მძღოლები.

ამ დროისთვის კიდევ რამდენიმე ადამიანი ითვლება დაკარგულად, სამაშველო ოპერაცია დარიალის ხეობაში ამ დრომდე გრძელდება.

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი