ახალი ამბებისამხრეთ კავკასიის ამბები

აფხაზეთის ჯანდაცვის და კულტურის მინისტრები, რომლებსაც აფხაზეთში არ იცნობენ

16 მაისი, 2014 • • 1317
აფხაზეთის ჯანდაცვის და კულტურის მინისტრები, რომლებსაც აფხაზეთში არ იცნობენ

“ვინ იცნობთ ასეთ მინისტრს?” – ფეისბუქის საკუთარ გვერდზე წერს აფხაზი ჟურნალისტი როინ აგრბა. 


“გვითხარით, ისეთი რა მოწიეთ და დალიეთ, ასეთი სისულელეს რომ წერთ,”- წერს ფეისბუქზე კიდევ ერთი ჟურნალისტი აფხაზეთიდან ანტონ კრევენიუკი.


“სამაგიეროდ, ეს “მინისტრები” როგორ რეკლამას უწევენ აფხაზეთს :))), და საერთოდ, ესენი სადმე მართლა არიან მინისტრები?”


“ვგიჟდები ამ ჟურნალისტიკაზე.”

 

საქმე იმაშია, რომ რეპორტაჟში, რომელიც ავტორის განმარტებით, აფხაზეთში დაიწერა, მოყვანილია იმ მინისტრების [ქეთევან ბაკარაძე, აფხაზეთის ჯანდაცვის მინისტრი და დიმიტრი ჯაიანი, აფხაზეთის კულტურისა და განათლების მინისტრი] ციტატები, რომლებიც თბილისში არსებული აფხაზეთის მთავრობის წევრები არიან.


სტატიაში წერია: “აფხაზეთი პრაქტიკულად მზადაა ახალი საკურორტო სეზონისთვის – ამბობს რესპუბლიკის ჯანდაცვის მინისტრი, ქეთევან ბაკარაძე.”


 
 
სოციალურ ქსელში მომხმარებლები აფხაზეთიდან წერდნენ საკუთარ ვერსიებსაც, რატომ უნდა შეშლოდა ავტორს და არარსებული მინისტრების ციტატები გამოეყენებინა.
 
 
“ვფიქრობ, მას [ჟურნალისტს] კარგად არ ახსოვს, სად იყო, მაგრამ ისეთი განცდა მაქვს, მან მოსკოვის ოფისიდან გაუსვლელად დაწერა ეს სტატია,”- წერს ანტონ კრევენიუკი. 
 

ნეტგაზეთთან საუბარში თბილისში აფხაზეთის მთავრობის წევრი, ჯანდაცვის მინისტრი, ქეთევან ბაკარაძე აცხადებს, რომ აღნიშნული სტატიის შესახებ არაფერი გაუგია და მსგავსი ინტერვიუ ჟურნალისტისთვის არ მიუცია. 

მასალების გადაბეჭდვის წესი