ნეტგაზეთი | ბაქოში ფრანგ ჟურნალისტებს აპარატურა და ჩანაწერები ჩამოართვეს ბაქოში ფრანგ ჟურნალისტებს აპარატურა და ჩანაწერები ჩამოართვეს – Netgazeti
RU | GE  

ბაქოში ფრანგ ჟურნალისტებს აპარატურა და ჩანაწერები ჩამოართვეს

ბაქოში, ჰეიდარ აილიევის სახელობის საერთაშორისო აეროპორტში ფრანგი ჟურნალისტი ლორან ჩირარდი და მისი ოპერატორი დააკავეს. ამის შესახებ რადიო “აზადლიგს” ფრანს-2-ის [France-2] ანალიტიკური გადაცემების რედაქტორმა, ბენუა ბრინგერმა განუცხადა. 

მისი თქმით, დაკავებული ჟურნალისტები საფრანგეთის პრეზიდენტის, ფრანსუა ოლანდის აზერბაიჯანში ვიზიტს აშუქებდნენ. 

 

გამოცემის ინფორმაციით, ფრანსუა ოლანდის გამგზავრების შემდეგ ჟურნალისტებმა გადაწყვიტეს აზერბაიჯანის დედაქალაქში დარჩენა და რამდენიმე რეპორტაჟის მომზადება. თუმცა აზერბაიჯანის 15-მდე სამართალდამცავმა ისინი დააკავეს, ჩამოართვეს ყველა ჩანაწერი, აპარატურა და ქვეყნიდან გააძევეს. 

 

რედაქტორის თქმით, ჟურნალისტებს აზერბაიჯანში უნდა მოემზადებინათ რეპორტაჟი, მათ შორის- ადამიანის უფლებების საკითხზე. 


ოფიციალური განცხადება დაკავებული ჟურნალისტების შესახებ აზერბაიჯანს არ გაუკეთებია. 

 

ბაქო, აეროპორტი; ფოტო: skyscrapercity.com
ბაქო, აეროპორტი; ფოტო: skyscrapercity.com

ნეტგაზეთის მასალების სხვა გამოცემებში გადაბეჭდვის წესი
ნეტგაზეთი